Knisja San MartinBaħrijaMalta

• Nhar it-Tlieta 16 ta’ Marzu ser isir coffee morning għand in-New Life Bar & Restaurant bit-tombla. Jibda fid-9.00am. Kull min hu interesat jara n-notice board tal-Knisja. Bookings mingħand Silvana jew Rosemarie.

• Ser isir picnic nhar il-Ġimgħa 19 ta’ Marzu madwar il-Baħrija wara ‘l Quddiesa tad-9.00am. naslu lura għal xis-2.00pm għat-tfal li jattendu d-duttrina, abbatini u tfal tal-kor. Kull min jixtieq jiġi irid ikun ħdejn il-Knisja fid-8.45am għall-Quddiesa. Kulħadd iġib l-ikel miegħu.

• Nhar il-31 ta’ Marzu ser issir il-via crucis nazzjonali li ssir ta’ kull sena fil-Parroċċa ta’ Santa Marija f’B’Kara. Tibda fit-8.00pm. Kull min jixtieq jiġi jinkiteb wara l-Quddiesa jew f’xi ħin ieħor għandi. Tħallux għall-aħħar minħabba t-transport.

 

Mill-1 sal-Ġimgħa 5 ta’ Marzu                         Eżerċizzi bil-Quddiesa fil-Kappella tal-Kunċizzjoni. Tibda fis-7.15pm minbarra it-Tlieta.

 

It-Tlieta 2 ta’ Marzu                                           Prayer meeting wara l-Quddiesa tas-6.30pm. Dak in-nhar, eżerċizzi fil-Kappella ma jsirux.

 

L-Erbgħa 3 ta’ Marzu                                         Fl-4.30pm issir l-Ewwel Qrara għat-tfal li se jagħmlu l-Ewwel Tqarbina din is-sena.

 

Il-Ġimgħa 5 ta’ Marzu                                       L-Ewwel Ġimgħa tax-xahar. Via Sagra qabel il-Quddiesa. Tibda fil-5.30pm. Jattendu l-abbatini kollha.

Is-Sibt 6 ta’ Marzu                                              Laqgħa obbligatorja għall-Abbatini Kollha.

 

6-7 ta’ Marzu                                                       It-Tielet Ħadd tar-Randan u ġabra speċjali għall-bżonnijiet tal-Knisja.

 

Mit-Tnejn 8 sat-12 ta’ Marzu                           Eżerċizzi għal kulħadd immexxija minn Patri Ray Frankalanza OSA fil-Knisja wara l-Quddiesa tas-6.00pm. Ikun hawn Qrar qabel u waqt il-Quddiesa.

 

Il-Ġimgħa 12 ta’ Marzu                                     Via Sagra qabel il-Quddiesa. Tibda fil-5.30pm. Jattendu l-abbatini kollha.

 

13-14 ta’ Marzu                                                  Ir-Raba Ħadd tar-Randan.

 

L-Erbgħa 17 ta’ Marzu                                      Via Sagra mat-toroq tal-Baħrija. Tibda fis-6.00pm sas-7.00pm. Wara Quddiesa kantata fil-Knisja bis-sehem tal-Kor Dilectio Pauper.

 

Il-Ġimgħa 19 ta’ Marzu                                     Festa ta’ San Ġużepp. Quddies ikun bħal nhar ta’ xogħol. Ikun hawn Quddiesa oħra fil-Kappella fis-7.15pm.

 

20-21 ta’ Marzu                                                  Il-Ħames Ħadd tar-Randan.

 

Il-Ġimgħa 26 ta’ Marzu                                     Festa tad-Duluri. Fis-6.00pm purċissjoni bl-iStatwa devota ta’ Marija Addolorata. Wara (għall-ħabta tas-7.00pm) Quddiesa kantata bis-sehem tal-Kor Dilectio Pauper.

 

Is-Sibt 29 u l-Ħadd 28 ta’ Marzu                     Ħadd il-Palm. Fil-Quddies tas-Sibt u tal-Ħadd filgħodu (6am) isir it-tberik tal-weraq taż-żebbuġ. Il-bdiewa li jridu jbierku ż-żebbuġ tagħhom jistgħu jagħmlu dan billi jġibu ż-żebbuġ u jpoġġuh taħt l-artal. Fil-Quddiesa tad-9.00am it-Tberik isir fit-8.30am ħdejn il-Kappella. Wara tibda ċ-Ċelebrazzjoni u purċissjoni sal-Knisja bis-sehem ta’ l-appostli. It-tfal li jattendu l-Katekiżmu flimkien mal-ġenituri huma mistiedna għall-purċissjoni u għal din il-Quddiesa.

 

Il-Ħamis l-1 ta’ April                                           Quddiesa fl-4.30pm bit-tifkira ta’ l-aħħar ikla tal-Mulej ġewwa l-Kappella tal-Kunċizzjoni.

                                                                                Iċ-ċelebrazzjoni fil-Knisja tibda fis-6.00pm bit-tifkira tat-twaqqif tas-Sagrament ta’ l-Ewkaristija, bil-ħasil tar-riġlejn ta’ l-appostli, repożizzjoni tas-Sagrament Imqaddess u ftuħ ta’ l-Artal tar-Reposizzjoni. Wara jsiru s-seba visti. Il-Knisja tibqa’ miftuħa sa 12.00am.

 

Il-Ġimgħa 2 ta’ April                                           Il-Ġimgħa l-Kbira. Jum ta’ skiet, sawm u astinenza. Fis-1.00pm tibda ċelebrazzjoni fil-Kappella tal-Kunċizzjoni u fis-2.30pm fil-Knisja; bit-talb universali, l-adorazzjoni tas-Salib u t-Tqarbina Mqaddsa.

 

Is-Sibt 3 ta’ April                                                 fis-6.00pm tifkira ta’ l-Għid il-Kbir tal-Mulej ġewwa l-Kappella. Fit-8.00pm tifkira ta’ l-Għid il-Kbir tal-Mulej fil-Knisja. Iċ-ċelebrazzjoni kollha tibda fit-8.00pm bil-mixgħela tad-dawl, bil-kant tal-glorja u l-kumplament.

Wara ssir il-Purċissjoni tradizzjonali ta’ Kristu Rxoxt madwar it-toroq prinċipali tal-Baħrija.

 

Il-Ħadd 4 ta’ April                                               Jum l-Għid il-Kbir tal-Mulej. Quddies bħal nhar ta’ Ħadd.